 |
| ديون خواطر المسكين للشاعر فاروق الغمراوي |
انتي لعبة في ايده ايوة
ايوة انتي ف ايده يويو
لأ!!عروسة بالخيوط
تبتدي تحيا بوجوده
أن ضحك بتبقي شمعة
وان حزن تبقيله دمعة
وان بعد تبقي في تابوت
والكفن هو الخيوط
زي صيد العنكبوت
زي صيد العنكبوت
مانتي لعبه في ايده ايوه
ايوه انتي في ايده يويو
صدقني هتندمي
لما بكرة تقدمي
من ايده راح يرمي الخيوط
وتعودي تاني ف سكوت
زي أي شيء بيقدم
ولا شيئ ف الكون يموت
مانتي لعبه ف ايده ايوه
ايوه انتي في ايده يويو
صدقي اللي بيكي حاسس
قبل ما يفوت الآوان
قطعي بإيدك خيوطك
وأصرخي انا مش عروسة
وانتهى عصرك يا يويو
ولا لسه ف ايده لعبه
لسه بردوا ف ايده يويو
"ديوان خواطر المسكين للشاعر فاروق الغمراوي "
"ديوان خواطر المسكين للشاعر فاروق الغمراوي "
روعاتك شاعرنا الكبير
ردحذف