بنكدب كتير

كلمات عادل حسان ابو علي

بنكدب كتير ونقول ماشي

خلاص مش فارقه

دي سنين ضاعت

ومهما عملنا مش راجعه

دي فارقة غزلي انا رمتها

بأيدي زمان في البحر

ومهما طال الوقت

أكيد بكل امل وخير طالعه

وشبكتي شبكتها بحلمي
ولغنوة سعدي هفضل
أنا أحدي 🎶
لحد مامري يمر
وطراحتي طرحتها

وطرحت منها كل شك ويأس

ولما هجمعها واطلعها انا عالبر

هلاقي الفرح فيها هل وطل

أنا اللي زمان كان قلبي

وحيد عايش حزين في الطل

وكان الندي بينزل عليا

يقسمني ويضربني يفوقني

واقول في نفسي يواد اصبر والاقي

ربنا بعد تعبي وفقني وجبرني

وعطاني وفرحني ورزقني ونصرني

وخلاني فعز شدتي من فرحتي ابكي

لأني عرفت من حبيبي ومين عدوي

مين معايه وحس بيه وكان شاريني

ومين خاني ولما احتجتله باعني

نكر خيري ماصنش عيشي ولا ملحي

ملحقنيش لما احتجتله اختفي سابني

بجد أنا ممتن وبشكره من صميم قلبي

اداني درس علمني وفهمني نورني

مش هكدب وأضحك تاني على نفسي

مش هكدب تاني وأقول مش فارقه ✋