 |
| جاي تصحيني ديوان خواطر المسكين |
وصحيت من النوم ولاقيت جنبي
ورقة ومكتوب فيها سامحيني
بعدي ده كان غصب عني
عيشي حياتك وانسيني
م الخوف والرعب وقف قلبي
والدمع اتجمد ف عيوني
وجريت ماللهفة عليه أدور
وأصرخ وصدى صوتي يجيني
وصرخت بصوت عالي يا عمري
والناس جم حاولوا يهدوني
وناديت ارجعلى يا دوا قلبي
ارجعلي يا نور عيني لعيني
ودي تحكيلي خلاص اهدي
واللي تقولي ده امر الله
واللي بتلهيني بخد وادي
وانا دمعي جرحني ورسم إلاه
وفجأة صرخ صوتي باسمك
ولاقيتك جاي تصحيني
"ديوان خواطر المسكين للشاعر فاروق الغمراوي "