عنتر فجله

 

عنتر فجله بقلم. فاروق الغمراوي

#كبرت واسناني وقعت وشعري شاب ونور الحياة في عنيا غاب! 

#عملت ايه؟! ولا حاجة! كل اللي اتغير هو الشكل والعمر بس! 

#مافيش حاجة اتمنتها عرفت اصلا سكتها

#كل الحاجات مفروضه علي. وغصب عني لازم اعملها. 

#كل الكلام بتاع اتعبت وانت صغير عشان ترتاح وانت كبير. اكبر منوم للرغبات لا مخدر بيقوله حد فاقد الحياة لحد تاني ميعرفش انه فاقد الحياة 

#مافيش اي مردود لأي تعب او جميل او شعور كويس بتديه لحد. كله وهم 

#مافيش حاجه هتعملها لغاية عمرك ما هيخلص. 

#الراجل اللي طلع معاش وهو فاكر انه هو كده عمل اللي عليه وان عياله بقوا رجاله يشيلوا نفسهم بقي وانه كبر وعلم و و و و. إلخ. ده راجل مخدوع ومش بيفهم. ومش عايز يفهم انه اتجوز بمساعدة ابوه وخلف واللي رباله هو ابوه وامه وحماته وحماه هو معملش حاجة غير انه وقف في طابور العبيد عشان قرشين اخر الشهر يدفع بيهم الفواتير. وعامل فيها عنتر فجله. 

#خلاصة القول... انت عمرك ما هتوصل لاي حاجة او تحقق اي حاجة عايزها. الا في حالتين. انك كولد او انك كبنت تتجوزوا حد من عليه القوم يرفعكم لفوق معاه وبردوا ما تحلموش بالسعادة والهنا لأنه هيأخذ منكم اللي هو عايزه وبعد كده هتقابل النكد والمرار الطافح... 

#انت وانا وغيري... عبارة عن اراجوزات جايين بس عشان نسلي الاسياد شويه لحد ما تنتهي فترة صلاحيتنا.. يا بالوفاة يا بالرمي في الشوارع.... وافتكر كلامي ده كويس مسيرك هتشوفه بعينك. 

#وخلص الحوار وسابني وقام ومشي مشيه الانهزام من كل حاجة حتي من النفس اللي

بيأخذه