قال الفنان عبدالرحمن أبو زهرة إنه يشعر بإهمال شديد تجاهه:
عندي اكتئاب واحساس بالغربة والعالم حواليا مش فاهمني، كل المخرجين في مصر ماكنوش اتولدوا لما كنت نجم، معرفش ليه اهملوني إهمال كبير
أنا ممثل كوميديان من الدرجة الأولى، قمت ببطولة مسرحيات في الستينات والسبعينات التي رفضها نجوم كبار، مثل مسرحية زهرة الصبار أمام العظيمة سناء جميل، وكسرنا المسرح في وقتها وقعدت ٣ أشهر متواصلة، وهذا لم يحدث من قبل في تاريخ المسرح القومي ، معرفش ليه بقوا يجيبوني في دور ضيف شرف ؟؟!!
في مارس الماضي احتفلت بمرور ٦٠ عامًا على احترافي التمثيل، أنا من النوع اللي لو مامثلش يطق يموت
قعدت ٤٠ سنة مفيش مسرحية في المسرح القومي أو مسلسل الا لو بعمله، أنا بعشق المسرح والتلفزيون والإذاعة، ده أنا كنت ممثل إذاعي جامد وعندي خبرة
أنا مندهش إني شايف مخرجين كبار زي محمد فاضل وإنعام محمد علي مش بيشتغلوا ، يظهر إن الجيل الجديد قرر إنه يتخلص مننا.