الأمل دستوري

الأمل هو دستوري في بعدك عني هو دستوري اللي اخدته عهد علي نفسي سمعت صوتك بيرن في الفضاء بين الغيوم وبيقولي وحشتيني وسالت عليا الوردة اياها وقلت ازيها وازي حالها رديت وقولت رغم اني حبيت وماطولتش حتي صورته الا انه لسه عايش جوه مني عايش معايا زي ضلي زي روحي واللي مكفيني منه احلامي وخيالي ،لاء لاء وربي اقسملك دي اوهامي ،شوف فين انا فين انت ورغم كده انت عايش معايا جوايا وهتصدقني اني محتاجه اشكرك جدا ياللي فيوم كنت بتاخد ايدي وتلف بيا من نجمه لنجمه سؤالك عني خلاني ارتويت ده سؤالك عني خلاني ارتويت واوراقي فرعت علي اغصانها وكل غصن كتب لسه عايش جوه مني وكل اللي رايح واللي جاي قال لسه عندها امال ،رديت وقولت رغم اني حبيته وماطولتش الا انه هو الوحيد اللي معاه مفتاح حياتي ولاني عايشه علي امل انه يرجع تاني وياخدني بين احضانه زي عقود لسنين فاتو الا انه لسه والله فبالي ،شوفوا ياناس من بعد العمر اللي فات ومجرد بس سؤاله عليا رديت عليه وحشتني قالي وهو بكل خجل اقسملك انتي اللي وحشتيني وساعتها دمعي نزل رد وقال للورده اياها قولي لروحي اللي جنبك ماتبكيش اصله صحيح مش مكتوبلي معاه اعيش بس اقسملك ان دمعه عليا عزيز ،فين انت وفين اراضيك ،فين انت وفين اللاقيك بس يا عمري ياكل عمري غيرنا كانو كتير متجمعين واتفرقوا لسنين وسنين وعلي جبل الحنين اتلاقو ودوبوا احبال الشوق والانين ده ادم وحواء افترقوا لسنين وسنين واحنا جاين من مين ماهما السبب لوجودنا في دنيا غدارة بالاحباب والعاشقيين ،لكن وحياتك لاتحمل علشان انت اغلي دمعه تاره ، بس تصدق زي ماانت لسه جوه مني ساكن ،زي ماانت لسه عايش صوتك برضو هو هو بس زادت عليه نبره حزن والم ،فين الضحكه اللي كانت بترقص حولينا نفسي تقولي نفسي تعود، صحيح هتعود يافرحه عمري انا ،ياللي اخدت علي نفسك عهد ترجع يوم من الايام يمكن يوم هتعود بس احنا مش هنعود ولا هيكون لينا مكان ووجود زي زمان لان مابنا صح في باب مقفول بيقولك اه نفسي اشوفك واملي بيك عيوني لكن من ورا الباب المقفول واللي لو عليه دقيت مش هتلاقي اللي هيرد عليك هتسال عني وتقول راحت فين هيرد عليك خشبه وحيطانه لحد مايجي جيرانه ويقولولك اني دوبت من الحنين اني غرقت في الشوق وان صوت الاه والانين سمعوهم لما غنيتهم زي غنوه وموال حزين وان اللي كانت ورا الباب مستنياك بالفستان الابيض ايوه بالفستان الابيض مستنياك لبساه وتقول هانت خلاص هرتاح ،راحت واخدتها مجموعة لفوق وقالت ليهم يابياعين الحب معاكوا رسالة اسبحوا في سماه ووصلوله وقولولو ان صورته لسه معاها قدام عيونها النعسانه اللي جواها لمحة حزينه ما هي ام عيون حزينة ،لمحه حزن غداره بتظهر في عز الضحكه والفرحه بتقولك سافرت انت وهي سافرت معاك حبيبتك لكن لكن ماتهنتش معاك سافرت بالاحلام كنت ليها كل امالها لكن ده دوام الحال من المحال !!! متستعجبش دي قسم مكتوبه نبقي لبعض علي الاوراق جوه الاحلام ونترسم من الاقلام علي لوحه اسمها الزمان وتعدي علينا عجلة النسيان مع مرور الزمان اغلي حب كان لكن اكيد زي ماكان هو عايش معاك عايش هو كمان معايا  عايش جواك وجوايا ،،يا دستور حياتي اللي باقي وعايش ليا وكان احلي حاجه فيا ودونتها في دفتر ذكريات والذكريات مكتوب عليها انقي واصفي حب كان ..... مر عليه الزمان وبقي دستور الحياه ......