كل من تعامل مع يوسف فوزى داخل الوسط الفنى يعرف دماثه خلق هذا الرجل والجميع يشهد بتفرد موهبته
فى الفتره الأخيره أصيب بمرض جعل يده ترتعش طوال الوقت"
أكيد طبعا الموضوع أثر فى نفسيته وأكتر شىء ألمه أنه مش هيقدر يسيطر على حركه أيديه وهو بيمثل
وبالفعل فى أخر أعماله المخرج كان بيضطر يعيد التصويركتير وده خلاه يحس أنه دبس الناس معاه وفى نفس الوقت أحرجه بشده
يوسف فوزى من الممثلين المطلوبين يعنى شغال على طول
وهو عارف أن هيجيله شغل
والموقف المحرج ده هيحصل تانى
بس هو مش هيقدر يبعد عن التمثيل
هوعارف أن المرض ده لن يعوقه عن التمثيل أذا ما تم توظيف رعشه يده دراميا أو أن يتفادى المخرج اللقطات القريبه
يعنى فى حاله إن الناس فى الوسط تكون عارفه حالته ممكن يجيله شغل, طبعا قليل جدا لكن هيشتغل
وهو عشان راجل صادق فقال أنه يعرف الناس أن عنده المرض ده عشان ما يبقاش فى وضع محرج واللى يختاره لشغل بعد كده يبقى عارف
وبالفعل الراجل قال كده بالظبط
تقوم المواقع عشان خاطرالترافيك يبقى العنوان
يوسف فوزى يعتزل التمثيل بعد أصابته بال ..
فطبعا كل الوسط الفنى وصلته المعلومه بالشكل ده وبالتالى الراجل قعد فى البيت عشان الترافيك
بعد أذنكم شير عشان نوصل اللى عاوزه هذا المحترم
احنا أسفين يا أستاذ يوسف
التسميات :
مقالات عامه