لمن يهمه الأمر ( أنا ممثل وعايز اشتغل)

في وسط تصريحات بعض الفنانين الشباب الصارخة كتب الفنان الشاب فاروق الغمراوي هذا البوست علي صفحته الشخصية حيث قال:

لمن يهمه الأمر (أنا ممثل وعايز اشتغل)

أنا ممثل مصري .. وكنت في اوائل دخولي الوسط باخذ ادوار بدون اللوجؤ لنقابة المهن التمثلية وذلك لأني غير نقابي . وقعدت فترة بالشكل لغاية ما نقابة المهن التمثيلية اصدرت قرار ان محدش يشتغل اويأخذ ادوار ومشاهد  الا النقابين او خريجي ورشة نقابة المهن التمثيلية . فعلي طول سألت عالورشة وعرفت أن الورشة دي بتخلي للممثل اللي زي حالتي اولوية في الشغل مع النقابين علي شرط انه يجيب جواب من جهة الإنتاج موجهة الي النقابة  بأسم العمل ودور الممثل ده في العمل وعلي النسق ده النقابة بتطلع تصريح عمل للممثل خريج الورشة ده . زائد أن الممثل خريجي الورشة ده بيأخد بعد 5 تصريحات من النقابة كارينه انتساب للنقابة وبعد كده بقترة اظن 5سنوات بيبقي عضو نقابي عادي فتوكلت علي الله ودخلت الورشة واتمتها الحمد لله. وابدت رحله البحث عن أعمال فنية . وهنا بقي كانت الازمه كلها ليه ؟! لأن لا فيه مخرج ولا منتج بيقابل حد او بيرد علي الا علي نجوم الوسط من كبار الفنانين . ولو حصل وربنا نفخ في صورتك واتكعبلت في مخرج وبدأت تتكلم معاه كل الكلام بقي يبقي تنه حاليا يا اما خلص تصوير أو انه لما يبدأ هيتطلبك . وتعدي فترات وفترات لحد ما المخرج ده ينساك . وتبدي انت بقي رحله مكاتب الكاستنج وهي اللف والسعي اليومين والوعود غير الحقيقية او المحققة من افراد مكاتب الكاستنج . بمعني انك تروح تعمل كاستنج جينرال وكل شيء تمام أو حتي اوديشن علي دور معين وتاخذ وعد بالإتصال والعمل . وادي وش الضيف . وانا شخصيا لا اعمل غير في المجال الفني سواء مخرج حر . أو ممثل خريج ورشة النقابة وليس لي دخل اخر الا من المجال الفني في العموم . يبقي كده ألممثل الصغير لو مالوش معرفة زي حالتي او حتي له معرفة مش بيعرف يشتغل نهائي وده لأن عدد معين ومحدود وعروفين بالأسم هما اللي بيشتغلوا علي مدار العام . يبقي ايه العمل دلوقتي وفي ظل الظروف والاسعار الحالية ؟! ياريت كلامي يوصل بقي لنقيب الممثلين او المسؤلين . انا كده خلاص جبت اخري .