عايشه ولا مش عايشه مش دي المشكله الي مضايقني اني دايما حاسة ان فيه حاجة معينه مطلوبة مني و انا مش عارفاها... و عشان كدة دايما متخبطة ومتلخبطه... و دايما مشتتة... بسعي في طرق غريية متفرقة لعلي أجد ما خلقت لأجله... و في كل مرة افتح أبواب مختلفة و ارجع اقفلها و اشوف غيرها و مش بستقر لا ذهنيا ولا روحيا في حاجة واحدة ابدا.. دايما كل مرة ابتدي اهتم بحاجة جديدة أقول لنفسي هي دي أكيد.. هي دي الحاجة الي حياتي صممت لها.. و بعدين اكتشف انه لأ و اسيبها و اقتحم حاجة تانية... بس دايما حاسة برغم كل التفرق ده اني ماشية علي خطي ثابتة مقدرة لي من الخالق سبحانه و تعالي عشان اوصل في الآخر للحاجة المهمة الي انا اتخلقت عشانها و انها مش بسهولة كدة تجيلي..... الي مضايقني اني مش عارفة هي ايه و هل فيه حاجة معينة فعلا ولا الحكاية كلها في الرحلة نفسها الي لازم اتغير فيها كثير و أتعلم و أروح و أجي .. و تبقي الرحلة نفسها مختلطة بأنفاسي و بروحي و تبقي هي الهدف من حياتي بالنهاية.. سفر و ترحال دائم بلا سبب منطقي وبلا حدود مفهومة ... متاهه متاحه
التسميات :
باب المواهب