 |
| فاروق الغمراوي |
اراجوز للايجار ليل كان أو كان نهار
جاي الدنيا عشان يلعب به الكبار
قرب جرب يا بيه بص اتفرج عليه
صدقني مش هتدفع بس هتضحك عليه
باديك أمسك خيوطه وارسم فليوم لصوته
وشوفه هيعمل ايه!!
هيعدي البحر ماشي بين مد وجذر ماشي
وأما يقرب ويوصل فك غمام عينه
واتفرج من بعيد واضحك كرر يا بيه
قرب جرب يا بيه
اراجوز ومش فاهم انه ياناس اراجوز
عاش الحياة واهم بكوا عينه الجوز
لملم جراحه وعاش ف الدنيا عالهامش
قالت عموم الناس ده مات ماهوش عايش
وف يوم وكان ازرق جت ست فشلوا
ونابها كان ازرق داب فيها سي الأراجوز
ملكت زمام أمره عرفت تجيبه الأرض
زهقت اوام منه بدأت معاه العرض
قالت له مش عايزاك أبعد بقي يا اراجوز
نزلت دموع عينه عميت عينه الجوز
شال همه في شواله وعاش مابين الناس
ينده بصوت عالي ويقول انا الأراجوز
اراجوز. .اراجوز ياناس انا الأراجوز
قرب جرب يا بيه اضحك كرر عليه
《ديوان خواطر المسكين للشاعر فاروق الغمراوي》
《ديوان خواطر المسكين للشاعر فاروق الغمراوي》