البحر

- فاكره؟! فاكره المكان اللي عند البحر اللي كنتي بتاخديني عنده زمان؟! فاكره ؟!
- هههههه..طبعا ومش نسياه،ومن وقت فراقنا ماروحتش هناك مع انك عارف قد ايه حبي ليه،وانه اكتر شيئ اشكي له وارمي جواه همومي،ماهو ده البحر اللي اتعلمنا منه الحب ...ايوه للاسف هو ده البحر اللي غضبت بسببك عليه اول ماافترقنا .
- طب وبقيتي تشكي لمين؟!
- اه انت عارف انه كان اكتر من حبيبي وبيحسسني انه مش مجرد بحر ده كان حبيب وبيحضني بشوق جواه،لكن حصل الفراق واتاري الميه اللي كانت جواه وكنا فاكرينها ميه بتروينا  بتروي عطشنا واراضينا اتاريها دموع علينا ،صعبه صعبه الحياه لكن هي دي الحياه ،ياريت.........
- طب اسف!!! اسف علي كل حاجه ،واني ظلمتك معايا ،صدقيني غصب عني حاولت وماقدرتش ،بس انتي عرفه اني انا عمري ما قسيت عليكي سبتك لوحدك وخسرتك لكن انتي صدقيني حد جميل كنت اتمني يكون لي وتكمل بيه باقي حياتي واعدي معاه المستحيل ،بس،غصب عني!!!!!
- افتكرتني دلوقتي ؟!! ندمان عليا دلوقتي ،الوقت فات عدي خلاص وكمان مفيش بنا عتاب،جاي الوقتي تقول اني اغلي حب واني ملاك ،، مين قالك اني ملاك ؟!!جاي بعد فوات الاوان بعد ما بقيت لغيري وبقيت لغيرك،، ما خلاص بقي ده الحب اللي كان ،كان وماعادش باقيله مكان ،ندمان عليا؟!لسه فاكرني؟! فاكر ايه فيا دانت عرفتني بالتشبيه شبهت عليا  من خطوتي ،لكن اللي قدامك دي اشلاء لجسد كان فيه روح زمان ،انت وحدك اللي كنت بتقدر انك ترسم البسمه علي شفايفه وتضحكه وكنت زمان هههه يا اااااه زمان بتقول نفسك تاخد دمعتي وتحتفظ بيها جوه صدفه زي اللؤلؤ عشان ماتجفش ،ايوه انا انا المل.........كه اقصد كنت ملكه زمانك لكن الوقتي اه يا حيرتي هو اللي بيضيع ممكن يعود؟؟لا والله. اقولك عمره ما هيعود ولا الدموع الساكنه بين الجفون هتجف طب اقولك  قولها انزلي اسمح لها خليها تقولك ان الذكريات هي هي ايام كانت زمان ياااه زمان بعد سنين بس ازاي اقولك سماح ؟؟!!! صدقني مش ندمانه علي الحب اللي كان ،وازاي دلوقتي عايزنا نكون اصحاب؟! مااحنا كنا زمان اصحاب بعدها حبيتك وبيا غدرت وانا اللي كنت مجروحه وبسال ليه ليه حبي معاك انتهي وازاي دلوقتي جاي وعلي لسانك كلمه سماح؟! مش انت اللي بعتني؟! هه مع انك كنت عايز توقفلي القطر بكلمه مني واي حاجه كنت بشاور عليها تجبهالي او توعدني تجبهالي ،بس كتير كتير جوانا مع احبابنا بنحلم ،كتير بنحلم بس ما بنطولش نحقق احلامنا ،بس ازاي نحلم والاحلام مابتتحققش،اقولك ليه عشان اصلا حبنا انت موته ايوه وماكنش غير شهور بس ياللي كنت في يوم.......... ازاي هونت عليك تظلمني؟! وجاي تقولي اسف؟! سبتني ولا همك احوالي ،وكنت سبب لقلب مات وصاحبه بقي حطام ،مع انك انت كنت اللي بتهون عليه همومه ،لكن ازاى ؟!!
- معرفش؟؟ صدقيني معرفش ليه،وازاي ...
- ماتعرفش ليه؟! وقدرت كده تنساني ولا همك احزاني ماهو ده المكتوب عليا فرحتي تبقي قصيره،وجتني وقولت هتمحي جرحي القديم لكن انت طلعت منه صوره صوره بس صغيره صغيره في نظري لدرجه ماعرفتكش ،وصلتني اني اقولك ماعرفتكش يللي كنت غنوه جميله نزفت مرار كنت شايفاك حبيب احلامي لكن نهايتي معاك كانت دمار ،ورجعت خسرانه ،وانت فعلا انت اللي خلتني حاجه تانيه خلتني اخاف من روحي ونفس الخوف بقي بشر جواه ارواح ،وانا من كتر ماشوفت بقيت من كل اللي حوليا بخاف ،تصدق !! انت صدقت خلتني دمعه ماتجفش اه اه منك شوفت ازاي الملامح بتتغير والضحكه الحلوه اتمسحت ،يابختك!! كسرت ومشيت بس كنت فين ورجعت ليه ،شوفتني شوفت الحب عمل فيا ايه بعد ما حبيت من قلبي شوفت نهايه حبي ليك ايه،بس ازاي هونت عليك ،جبار جبار انت جبار  قد ايه الجرح سهل واللعب بقلوب الناس اسهل والاسهل منهم الاعتذار ،هه داحنا كان فاضل ع الحلم خطوه ،خطوه وكنت دايما اقولك خايفه فاكر ،وترد تقولي ياعالم بكره مخبي ايه ،ومايفرقش بنا الا الموت ،كان حلم برئ وكنا بنحلم امته يكون حقيقه كنا دايما نقول يابكره تعالي انهارده قبل بكره ،كنت ليه عليا حنون خلتني اعشقك لدرجه الجنون ،......
- طيب كفايه ماتبكيش ؟!
- لا سبني اكمل دانا ما صدقت لقيتك ،،،،ليه  حبتني وليه حبيتك كنت شايفاك ابتسامه راسمه احلام لبكره اجمل وفعلا كان اكبر ضحكه عليا من الدنيا وجه بكره بس مش للضحكه لاء للخوف،طب تعرف فاتت علينا سنين وسنين لكن السنين كانت عداد من عمرنا بيفوت ورسم علينا الزمان خطوط ،اه عرفت غدرت بينا الدنيا ليه وانت مش انت ليه لان النصيب والقدر ع الجبين مكتوب ،بس كنت اتمني ومين اتمني واخد م الدنيا غير المكتوب.
الله يجازيك خلتني اتكلم وانا اللي كنت رافضه احكي القصه مع حد،بس تصدق دلوقتي مش عايزه صداقتك اللي كانت سبب معرفتنا لاننا كنا ؟! ولما بقينا ؟! كنا وقتها بنلعب ونضحك ع الزمن والدنيا والايام ،لكن خلاص ده كان وكان وكان زماااان ،وبقي كل واحد فينا ليه غير التاني احلام علي هواه وراح لحدجديد بيحبه وبيهواه ،ربنا يسعدني ويسعد لان ده طبع الحياه نفرح ايام ونحزن ايام ههههههههههههه وبننجرح من اعز الناس .........
وفي الاخر اقولك اخر كلامي معاك ..وداع .......